日本前AV女星飯島愛去年平安夜被發現陳屍香閨，令人惋惜。飯島愛生前所屬嘅事務所，噚日宣佈將喺下月1號為飯島愛喺東京PrinceHotel舉行公開追悼會，畀影迷到場獻花，愛姐嘅生前好友包括大竹忍同志村健等藝人都會出席。另外，時裝雜誌《ageha》為愛姐推出追悼特集，搵嚟一班女模特兒着上黑衫擺出雙手合十嘅甫士，但俾網友批評做法不當。