米奇逆市自抬身價，學者不敢苟同，認為此舉太冒險，打錯算盤，只會招惹遊客不滿，避開迪士尼，最終因加得減。立法會議員也對加價表示失望，擔心迷你迪士尼加價，會把客人趕去海洋公園，導致迪士尼虧蝕更嚴重。
「遊客條氣未必順」
迪士尼把旅客的平日票價調高，浸會大學市場學系副教授張華樑說，措施很明顯是針對旅客遊園彈性較低：「香港人去迪士尼，想避開假日比較容易，但係旅客就困難啲。」至於長者減、小童加，估計是針對迪士尼是小童市場主導：「好多時去迪士尼嘅家庭都係細路扭父母去，佢哋唔會睇票價，但係老人家就會為咗幾十蚊唔去。」張華樑指迪士尼分開本地人及遊客的價格，會引起遊客反感：「遊客來到會覺得，迪士尼擺明劏佢哋，條氣未必順。」
中央政府去年底實施深化粵港合作措施，容許深圳外省民工參加包括迪士尼樂園的定點團隊旅遊，業界當時估計措施可為迪士尼每年增多四萬人次遊客。但張華樑認為，如果迪士尼恃着民工被迫去樂園而「揑到盡」，可能打錯算盤：「咁樣做好冒險，會因加得減。金融海嘯未完，旅遊唔係必需品，何況𠵱家全國失業率上升，深圳民工大減。」
樂園相信加價不會減少客量，立法會議員李華明表示質疑：「我唔信加價唔影響人流，旅客有選擇，可以去海洋公園唔去迪士尼。希望迪士尼三思，等海嘯完咗先加。」旅遊界立法會議員謝偉俊則表示中立：「政府同迪士尼冇足夠透明度畀我哋掌握數據，好難判斷加價合唔合理。照計迪士尼唔會做啲對自己不利嘅嘢，希望加價可以增加收入，幫補吓樂園做擴建。」
本報記者