內地股市長假後表現強勢，連續第2日造好，但係港股並未受惠，噚日雖然升過上13065全日高位，但最終晚節不保，下跌84點收市，技術走勢繼續偏淡。
大市目前有兩個隱憂，一係滙控（005）全日偏軟，尾市更插落全日低位58元收市；二係地產股受負資產個案大增影響全面滑落。滙控同地產股好有可能繼續下跌，為大市加添壓力，現時入市只宜小注強勢股。
神華C輪15373：神華（1088）昨收16.72元，逆市升1.3巴仙，連續第4日喺條100日線上面徘徊，技術走勢幾好，似乎等成交配合炒上，若上破18.60元，將推向20元，可以諗吓隻C輪15373，昨收46.5仙，有效槓桿2.5倍。正股升上20元，15373有機會升上71.7仙，正股跌穿15.50元就沽咗隻輪止蝕。
俊樺