法官喺法庭入面係話事人，可以話手握被告嘅生殺大權，但做官嘅都有致命傷，就係「清官難審家庭事」嘞！好似負責雷曼兄弟破產清算案嗰位美國主審法官JamesPeck咁，雖然佢喺審判雷曼案時好精明，但係家庭生活就亂晒龍。
曼哈頓檢察官話，佢嘅太太話Peck喺屋企掌摑佢塊面，造成瘀傷，而Peck就喺上月底被捕，仲被控告三級企圖襲擊罪同二級騷擾罪，現正保釋候審。若果罪名成立，Peck唔單只冇得繼續做雷曼主審，仲會前途盡毀㖭。
打老婆當然唔啱，但仍然有唔少人撐Peck，認為呢件事唔影響佢嘅辦事能力。不過，華華就唔係好認同，所謂「修身、齊家、治國、平天下」，一個連屋企都搞唔掂嘅人，又點處理大事呢？