崔建邦和徐淑敏（Suki）近日先後甩拖，原來二人秘密撻着，年初五更結伴夜蒲蘭桂坊，在熱鬧氣氛加上酒精的催化下，兩人都非常亢奮，被人目睹在場中拖手，崔建邦直認有其事，但Suki卻指沒印象，可是他們卻口徑一致指對方是好朋友，看來都想把戀情低調處理。
崔建邦和唐詩詠早前被無綫高層陳志雲踢爆分手，回復單身的崔建邦，最近卻與剛失戀的徐淑敏撻着，有人於上周五在蘭桂坊蒲點Volar酒吧看到崔建邦和Suki玩得十分投入，還在場中拖手，至凌晨時分離去時，情緒高漲的崔建邦也拖着Suki，看來並不介意戀情曝光。
指酒精模糊記憶
Suki去年因為婉拒中坑工程師男友黃重生求婚生仔，決定斬纜。另一方面，曾與崔建邦合作的她，雙方又有一班共同朋友，兩人傾談之下一見如故，初五夜蒲時更玩得爛熟。
崔建邦昨日在電話中直認當晚與Suki夜蒲，他說：「我哋係好朋友，朋友出嚟食飯飲嘢好正常，嗰日我同朋友去飲嘢，咁啱Suki又喺中環，咪約埋佢出嚟。」至於被指二人在場中和離開時都拖着手，他又說：「嗰啲場合咁逼，可能拖一拖，我飲咗少少酒，都唔係好記得當晚情況。」
徐淑敏口供一致
問到與Suki可有發展空間？崔建邦說：「我事業為重，不過Suki係個好女仔。」Suki昨日也在電話中大讚崔建邦說：「佢都係好男仔，好gentleman，我哋係好朋友，都幾好傾，暫時我未ready好拍拖。」她又承認當晚喝了點酒，所以對可有拖手已沒印象。
前晚崔建邦未有約Suki，獨自駕車離開廣播道寓所，隨即到尖沙嘴HMV取訂購了的DVD，然後再到附近便利店為八達通卡增值，之後便直接回家。
採訪、攝影：林妃、娛樂突發組
