公民黨搞嘅海外政治學習團，去到倫敦遇上大風雪，兩個副主席梁家傑、黎廣德，同「青年公民」主席陳淑莊（Tanya）到當地同政黨交流，又同國家審計處、選管會等部門會面。呢場大風雪好影響行程，初五出發嘅Tanya話，抵埗後天氣十分惡劣，同香港掛9號風球不相伯仲，雖然好多交通工具停駛，好彩交通未有嚴重混亂，反而好多路牌被積雪遮住，要睇路認路唔容易。
雖然被大雪所困，幾個人都有出外搵節目，但由於滿街積雪，地面好滑，要步步為營，否則跌一嘢可大可小。Tanya話英國政黨敢於重用青年人，政黨更喺大學成立支部吸納新黨員，呢方面香港望塵莫及。