呢排〈早飛倉〉手風唔多順，些路迪、維拉熱W都接連失分，今日都係減注，等畢傑兄周五有心水先大注番；周三英足盃第4圈補賽，我信布力般流浪可以擊敗新特蘭晉級，主W可提早捧場。
客軍剛戰傷兩主將
記得兩軍第1次英足盃交手時，個盤已經怪怪哋，新特蘭主場出擊唔使讓不特止，臨場平手盤布力般更做低水，結果雙方和局0:0收場。睇番當時陣容，新特蘭回飛都正常，收起一對正選前鋒堅韋尼鍾斯同施斯，以及中場主力基蘭李察臣、韋赫特等，擺明留力聯賽好過。相反布力般就有麥卡菲、辛達告魯斯等主力上陣，猶記得睇番賽後精華，布力般根本就可以作客贏埋晉級。
論近況，兩軍都算唔錯，不過新特蘭周日先打完場打吡大戰，同紐卡素賽和1:1，施斯有傷提早離場，堅韋尼鍾斯亦要帶傷頂到完場，今次新特蘭有大條道理收起佢哋留力。布力般雖然連和兩場，不過上周六作客米堡，根本就不乏贏波機會，對保頓落後兩球追到2:2，反映球隊攻力尚有保證；而且今仗休息時間較新特蘭多一日，形勢更為有利。
博多鋪飛燕諾反底
配腳方面，荷甲本周開快車，博老牌球隊飛燕諾周三反底，主場擊敗鹿特丹斯巴達；無疑「飛仔」衰到貼地，1月至今未贏過波，可幸傷兵問題已漸改善，丹麥前鋒湯馬臣已於上仗後備上陣，連同馬卡爾、施洛尼等前鋒，攻力有望改善；鹿特丹斯巴達係荷甲作客第2差球隊，10戰未嘗一勝，飛燕諾向呢支作客盲攞3分唔難。另外，葡聯盃4強戰，由士砵亭主場對波圖，兩軍實力接近，加時一場過盃賽緊張氣氛，入球「細」可串。
早飛王貼士
星期三12布力般流浪vs新特蘭
首選：星期三12布力般流浪勝（1.85）
次選：星期三12布力般流浪和[-1]（3.45）
冷選：星期三12布力般流浪勝2:1（8）
早飛倉
主菜：星期三12布力般流浪勝（1.85）@1,000
渾水摸魚過關：星期三5飛燕諾勝（1.4）x
星期三7士砵亭細（1.52）x
星期三12布力般流浪勝（1.85）3x1@500
今日早餐價錢：-$1,500
上日賺蝕：-$3,000早飛倉結餘：$87,274
規則：$100,000本錢，每日買早報最多動用$5,000，最少$1,000，逢周二、五見報。
周中焦點
星期三15 愛華頓vs利物浦
兩支同屬默西塞德郡球隊，今年第3度交手；雙方在聯賽及英足盃第4圈首戰都賽和1:1；不過以利物浦剛擊敗車路士氣勢，能否在第4圈補賽擊敗宿敵？
星期四2 巴塞隆拿vs馬略卡
巴塞隆拿在西甲已遙遙領先，周四出戰西班牙盃4強首回合，作為球隊取得3冠王（聯賽、歐聯及西班牙盃）的另一步；馬略卡在聯賽處於榜尾，作客對巴塞是否螳臂擋車？