𡃁模周秀娜今年承接去年氣勢，繼續有工開，噚日佢喺九龍灣網上電台接受訪問，佢話：「即將會開一部戲，同王祖藍合作，仲做情侶，係部搞笑戲。我下個月又會拍寫真，會以陽光海灘同三點式為主，或者三點畢露唔着衫，都可以接受，詳細要再傾。不過𠵱家首要就係減肥，因為之前同屋企人返鄉下潮州食到肥晒！」