前晚的左麟右李，邀請了錢嘉樂一起表演，按着螢幕打出來的題目講棟篤笑。錢嘉樂先指阿倫為樂壇校長，克勤是主任，而自己則是校工。阿倫問他為何不做校草，嘉樂笑說：「因為冇晒校花，咁我唔做校草。」阿倫問為何會沒有校花？錢嘉樂抵死地說：「咁你要問倪震。」克勤企在一旁說：「我當日因為提一提，佢哋就冇請我飲。」
《香港油王福仔多情》
台上錢嘉樂笑問：「點解油王咁鍾意搞同車有關嘅嘢，俄羅斯油王搞車仔，香港油王搞的士。」其間播出的士片段上面有一支「蘑菇油」，阿倫說：「其實香港人都會錯意，支油唔係搽頭，係用嚟推。」錢嘉樂即笑稱：「點解推推吓要放低500蚊？」阿倫答：「咁你要問家英哥同骨精偉，係基層推廣費同代資。」
《加勒比海風情》
阿倫甫見螢光幕題目即笑問：「係咪pizza味嚟？女仔係國際知名東方女性，外國人對佢有興趣，索佢嘅中國風。」錢嘉樂說：「咁佢咪聞死氣？」克勤笑說：「唔係死氣，有味嘅。」錢嘉樂抵死地說：「要推廣聞死氣，南丫島有個地方人傑地靈，就係索罟灣，係一個合法索股地方。」
《木馬屠城記之攻城33小時》
現場播出當日熊黛林在郭富城家中離開時抱狗的照片，阿倫見相說：「隻狗病病哋，不過搞完之後就精神晒。」
