港股上禮拜五單日轉向，走勢幾好，可惜花旗股市顯著下跌，噚日A股紅盤高開但未有大升，喺缺乏積極買盤跟進下，港股無法延續反彈走勢，掉頭下挫逾400點收市，險守12800關。
奧巴馬設立「壞銀行買毒資產」計劃可能胎死腹中，有報道指財長會喺未來幾個禮拜內宣佈新嘅救市方案，不過，睇情況，要推出真正有效嘅方案真係唔樂觀。
中海油P輪15424：中海油（883）昨收6.62元，跌2.6巴仙，股價過去一段時間喺50日線橫行，油價反彈佢都冇乜起色，遲啲跌落去試支持位較炒上嘅機會大，可以諗吓隻P輪15424，隻輪昨收24.5仙，有效槓桿1.4倍，揸耐少少博正股跌落5元，到時15424有機會見35仙，正股升破7.30元就沽咗隻輪止蝕。
俊樺