要一個人於同一行內做十年，而不產生「做嗰行、厭嗰行」嘅心態，究竟要具備邊幾種因素？小記認為，只有「沉醉」兩字方能解釋。於時裝界別時時走來走去，剛剛09便踏入第十年，NingLau（劉婉寧）現為Joyce市場傳訊總監，其間從未離開過「時裝」，除了要生仔的幾個月吧！現時新一代，又有幾人會真心花十年於同一行？
記者︰吳美美
攝影︰伍慶泉
時裝記者到時裝MBA
喜愛與阿Ning傾偈，說話直腸直肚，輕鬆又有啲幽默，完全沒有平時熟口熟面的「公關腔」，可能做過記者的她已訓練有素。既然於時裝路上走過十年，工作履歷表應該都擲地有聲吧？請聽佢講︰「其實我係讀PolyFashionDesign（理工大學時裝設計），但畢業之後都無做過有關嘅工作。未畢業已經做緊《Cosmopolitan》嘅FreelanceStyling，第一份工喺報紙做記者，做咗四個月就去咗I.T做Marketing，然後再去Joyce，再之後自己搞咗本雜誌叫《士多》，跟住做咗一陣子LaneCrawford，之後喺Ports1961做咗三年，𠵱家就再返咗嚟Joyce幾個月，其間我都讀咗個FashionBusiness嘅MBA。」聽到未？全部都係與時裝有關，真係無呃你，連讀個MBA都係有關，呢啲先叫敬業樂業！
Fashion爸爸Classic媽媽
成日覺得，若果細細個就開始鍾情某樣事或物，一定係受雙親潛移默化。其實阿Ning都係，「爸爸好有型，佢唔理𠵱家興咩牌子，最鍾意自己去訂做衫，可能會做一個褲管有40吋嘅喇叭褲。媽媽就好簡單，永遠只會着某一種衫，永遠好Classic，即係唔好搞咁多，唔會無端端着件豹紋喺身。我好欣賞媽媽呢一點，爸爸就會Fashion啲、貪玩啲，我諗我自己係佢哋嘅Combination，Mix咗佢兩個嘅特質，而且佢哋亦唔係好追名牌。」
講開名牌，後生細仔七成好名牌，小記自問細個都經歷過恨買階段，但阿Ning則係另外嗰三成︰「講真，我幾Proudof細個從來唔買Bold袋呀、地圖袋呀、M.Duck呀，至於Timberland都有，但都係好短時間，唔係死都要買一定要買嗰種。因為細個已經RealizeFashion係自信嘅表現，係一種自己嘅Style，當然牌子係可以幫到你啦。」
眼看不見的時裝誠意
不過，鍾意得時裝，總有一兩個品牌是正中要害，唔買會見頭暈。當日除咗高踭鞋外全身均穿上MMM，似乎已透露阿Ning至愛，「細個好迷MaisonMartinMargiela初期，嗰陣剛剛畢業，好沉迷時裝，曾經試過好鍾意佢嘅限量產品。例如有個Showpiece香港無得買，我就直情打過去巴黎Office話要買，即係全世界得幾個，但我都硬係要買！同埋MMM係幾值得投資嘅一個品牌，因為每年都出差唔多嘅產品，但最正係你五年前買，五年後拎出嚟着依然係好型。」
講到型，只係識買而唔去鑽研時裝，個人又點型得起？家陣咁多時裝網站，阿Ning就有兩個推介︰「Jakandjil.com，出名寫時裝Blog，會喺FashionShow門口影Snap；另一個係jcreport.com，同style.com差唔多，不過Feature會好睇啲、有內容啲。」有無睇中邊個品牌會人氣急升？「Balmain，我覺得幾勁，好似係一個會好厲害嘅傳奇。」但記緊一點，新並不代表最好︰「時裝係唔係一定要新呢？我就覺得唔係，每年都有好多新嘅時裝，但年年都有好多唔見咗，時裝除咗款式、Creativity，仲有一樣嘢好睇唔到嘅，就係誠意。」
着錯衫未必係着錯衫
大大話話做了時裝十年，若眼見身邊朋友着錯衫，出唔出聲呢？「朋友着錯衫我會直講，會話『你唔好搞呢個……』不過都要睇吓咩為之着錯衫，如果佢着完個身好唔舒服，望住你好唔自在，會叫着錯衫；但係佢明明係着錯咗，但表現好自信，我會覺得OK，所以自信都好重要。」最近阿Ning就被邀請於貿發局的香港青年時裝設計家表演賽做評判︰「老老實實，本身我都無乜期望，但做落發現佢哋好有心機，Theme同Inspiration都好新穎、好香港化、好自己，我自己都幾開心，唔係再Ontopof人哋嘅Inspiration。」小記聽到都開心，經常被人批評缺乏創意的年輕人，終於俾人讚番句。
JoycePR's飛佛
