日本唱片市道唔係咁好，歌手自然要諗計製造話題谷碟，日本女歌手倖田來未，為宣傳全新大碟《TRICK》，噚日喺東京台場邀請300名fans參加活動，為配合唱片主題，倖田喺fans面前表演魔術，佢喺個用火包住嘅箱之中失驚無神彈咗出來，再演唱兩首新歌，令在場fans嘆為觀止。倖田仲話今年要帶畀fans驚喜，好想年內可以結婚㖭。