除咗家暴條例，淫審修訂條例都引起好多團體關注，經常以晒馬形式表達意見。
唔少人擔心修訂淫審條例會收緊表達自由，其中「女同學社」最近亦向政府晒冷，喺上月22號推出「反查禁行動」網站（www.nocensorshiphk.com），發起一人一信抗衡網絡23條。截至前晚12點，10日內已經有近25,000人瀏覽，當中有成15,000位市民透過網站向特首辦同商務及經濟發展局發出意見書，送咗份新年厚禮畀政府。
八方唔知政府電郵有冇被炸爆，但肯定政府要加大容量，因為女同學社發言人曹文傑話發電郵行動會陸續有嚟，政府小心接招。