農曆新年假期過咗啦……回到現實世界啦！正如我們看得天橋上的靚手袋太多，都要回到現實。買當季Signature款無可否認證明到你好貼近潮流，但過季後就算放出去二手市場都蝕一大截，實在慘不忍睹。不過其實各大名牌都有暗示邊隻款最長青，因為每季你都會見到它們的蹤影，只是改頭換面，換色換物料示人，以此作為入貨參考實無走寶。
記者：梁俊鵬
攝影：陳陶鈞
Model：Vibeke@Starzpeople
Makeup&Hair：Meegan&Becky
Wardrobe：SeebyChloe（25250992）
今季MiuMiuKeyStyle玩手繪蟒蛇皮紋，還要在皮上面畫更多圓點、方形以至乎一幅鱗片……夠突破？相信更多年輕女生懷念MiuMiu的獨特少女味。尤其這款皺摺袋更是長出長有，這次換了新春鮮色上陣，以及漆皮上身，是為MiuMiu手袋入門之選。
Baguette上年先慶祝完十周年，找來歌手、插畫家、攝影師等等多方面從事藝術的人來搞創作，足見這款手袋是女士心中永恒的ITbag。畫來畫去之後，今年Fendi繼續推出淨色版本，可見簡約始終是成功的不二法門。
論經典，相信全黑尼龍款的Prada手袋、背包就必定跑出。奈何假貨甚多亦都睇到悶，這款配上水晶又有鮮色，在平凡中有點新意，當然可以順利過渡，在金融海嘯中保住市場地位。
Balenciaga的衫越來越具話題性，可惜上身者仍少。反而Motocycle手袋就平地一聲雷，紅足幾年都大把人用，大大個但羊皮製作好輕身，講實用就是眾名牌之冠。而且它標榜Vintage感覺，用舊少少反而更有味道。
成個信封形，有晒聖羅蘭大師手筆的Y-Mail系列斷估會長出長有，MuseBag亦建立了自己的名聲。但一句到尾，大大個Y字手袋炫耀度最高。
根據非正式統計，Dolce&Gabbana使用豹紋的次數絕不比RobertoCavalli少，買得Dolce&Gabbana的人，多多少少都有半點想浮誇出面。
連資深時裝記者都不太能分辨Gucci和LV的Monogram手袋出自那一季度，這樣子算不算是長青呢？今次還多了一個「G」字匙扣。
BottegaVeneta在去年成為NewYorkLuxuryInstitute的LuxuryBrandStatusIndex首位，早已是低調且講求質素的愛袋人士的心水之選。
原本不應該這樣不公平揀選了兩個MiuMiu入圍，但最近MiuMiu深受潮女的追捧，尤其淨色用來襯衫的選擇很多，這個也是入圍的選擇。
BurberryProrsum贏盡時裝人的掌聲，但Burberry終究是靠其格仔紋儲落一批老中青年粉絲，點都要擁有一個嘅！
其他新袋巡禮
雖然Marc哥將LV搞得有聲有色，但自家品牌的手袋號召力仍有待力捧上一線手袋之列，繼上年的BaginBag後今次忽然收火，玩Metallic色就算。而Chlo囗款式雖然大路易襯，但就較不保值。
PR眼中之DreamBag
Twist公關Jacqueline：「OL返工成日都要着沉色，搞到Office好悶。之前MiuMiu雖然都有推出過此款式，但新出這種綠色好易襯到返工衫，Size亦都適合返工放好多瑣碎嘢。」
Fairton公關Moon：「MaxMara今個春夏出咗漆皮系列，用上牛皮及漆皮配上湖水綠色，感覺好清新，啱CasualLook，仲有米色同啡色揀，返工襯衫啱晒。」
Sidefame公關Stephanie：「實用而又Stylish。Anteprima這個系列輕身，空間夠多，顏色亦出眾，足夠放下全部日常去街的裝備。」
I.T公關Yan：「春天總有啲花花的Product，有人鍾意着花花裙襯淨色袋，我哋可以試吓用同一哲學，用淨色裙襯花花袋。其實兩樣嘢都可以喺Tsumori搵到！」
Twist
中環店：威靈頓街2-8號M88威靈頓廣場地下G1舖（25779323）
銅鑼灣店：世貿中心P103-105&109舖（29702231）
尖沙嘴店：新太陽廣場地庫B02舖（23772880）