蔡少芬（Ada）昨日再化身女飛人，在將軍澳拍攝劇集《飛女正傳》，Ada先躺在沙地上被搞到滿身泥沙，接着劇情講述Ada因意外而造成地陷，更被陳豪的座駕壓着，於是她用僅有的超能力舉高車子，飛天逃離現場，拍攝期間她更被吊高到30多呎半空拍攝，事後Ada忍不住笑說：「我真係吊到想自殺，飛天遁地乜嘢都做齊晒，又成日都唔夠瞓，飛女裝個高髻頭又重，又要成日吊嚟吊去，諗落都係肥妹裝舒服啲，我諗拍完之後真係可以做超人，仲一次過吊晒十幾年嘅威吔戲。」
不過Ada從未有後悔接拍該劇，她說：「今次個題材真係好特別，電視史上第一次有超人戲，而且仲可以連環咀晒三個男主角㖭，所以我對呢部劇都有期待。」
好耐冇見老公
Ada的飛女造型在胸前有個蝴蝶紋身，為方便拍戲，她特意做了一個原子印印上，可惜因為太難洗甩顏色以致胸前爛肉，問她老公有否心痛，Ada笑說：「我哋呢排冇時間見喎，佢都唔知我個胸爛肉！」
採訪、攝影：何慧斯