海角七囗　60年鐵盒情書

台片《海角七囗》在第45屆金馬獎中，獲得6項大獎，包括最佳男配角、年度台灣傑出電影，及最佳原創電影配樂等等，成績相當突出，同時此片亦新聞多多，早前就傳在大陸被禁播，不過香港戲迷早早就可以入戲院欣賞，而且最近精裝版鐵盒DVD更已推出，包裝精美之餘，更附送戲中情書手稿、劇照，特別值得收藏。

記者、攝影：許福合

失信郵差

唔知有無人會當《海角七囗》係台版《情書》呢？主角阿嘉係一個郵差，不過佢似乎無乜責任心，信件有時會不明不白被佢帶回家失蹤，其中包括一個要寄到海角七囗的郵包；當中有7封用日文寫的信件，唔識日文嘅阿嘉當然唔理放埋一邊！同時間日本歌手中孝介來到台灣表演，不過因為種種原因要搵本地樂團幫手，於是包括原本失意於樂團嘅阿嘉，及幾個無名樂手組成一個雜牌軍演出。練習過程中發生唔少事，阿嘉與女公關友子最後發現7封日文信隱藏一個60年的故事，並且最後終於將信件交予「60年」收信人手上。

Bonus:曲譜夾MV

精裝版DVD可謂不惜工本，包裝用上個黑橙主色鐵盒，夠晒搶鏡之餘，當中包括戲中出現過60年情書7封，另外還有主角阿嘉在戲中唱作的曲譜，及多張以黑白印製電影劇照，喜愛《海角七囗》絕對有收藏價值。
此片全長兩個多小時，睇完唔夠喉的話仲可以睇埋BonusDisc，當中自然少不免會有演員及導演等訪問，亦有MV可以欣賞，不過最過癮係製作特輯，當中有段拍攝阿嘉所騎電單車開不動，見一堆人圍埋研究都幾搞笑。