上周推介烏德勒支贏鹿特丹斯巴達5:1，係就係場波有6個入球，但衰在和波3:3，小弟以小博大串波膽就無傷大雅，重注主W嘅朋友真係一肚氣。周日烏德勒支作客川廸，一於追打落水狗，博川廸大勝開個「主其他」，幫大家報仇。
川廸係荷甲近期比較正氣球隊，較阿積士、燕豪芬更穩定，歇冬後3戰全勝，上仗作客亦大勝海牙5:1，喺荷蘭盃晉級；前鋒組合堅尼夫佩雷斯同尼古科腳風順到不得了，以目前川廸暫列第3位，爭標並非絕望；雖然往績上，川廸近季主場對烏德勒支都並非大手交易，不過既然烏軍主場對攻力一般嘅鹿特丹斯巴達都可以失3球，今次一於博川廸唔留手，博25倍「主其他」波膽。
捧拉素15倍「客/和」
次關揀意甲尾場大戰，拉素主場對AC米蘭；拉素近況甚差，已連輸兩場兼失7球，不過呢班兵對住巨型班就特別醒神，之前主場對場對祖雲達斯，小弟已博佢開出「客/和」，不過最後開「和/和」收場。AC米蘭借用碧咸、卡卡又留隊，近期新聞多多，但戰績唔算太好。上仗對熱拿亞，領先一球之後，教練安察洛堤又收起前鋒博守到完場，結果臨天光瀨尿，被對手迫和1:1；今次對後勁唔錯嘅拉素，隨時再度重演，再追15倍「客/和」。法甲尾場大戰，里昂主場對聖伊天，小弟在〈早飛王〉已跟畢傑兄討論過，博80倍「主其他」波膽，各位有冇膽跟一跟？文：牽牛