日本漫畫真人片《20世紀少年第2章 最後之希望》噚日喺日本開畫，豐川悅司、常盤貴子同小池榮子等一班演員齊集東京有樂町嘅戲院造勢。今次擔大旗扮演珈南嘅平愛梨，仲叫埋父母同五兄弟姊妹到戲院捧場。平愛梨喺台上更當場感觸落淚，要身旁扮演佐田清志嘅中山裕介遞上手巾畀佢抹眼淚。常盤貴子就踢爆愛梨拍攝其中一幕喊戲時，試過喊到收唔到聲。