踏入牛年第一次同各位讀者喺本欄見面，先祝大家身體健康、心想事成；發叔在新春伊始在車公廟為香港求籤，結果抽得下籤，原本玄學、術數之事，信則有，不信則無，但解籤那位仁兄，卻硬要美化籤文，說甚麼港人團結就事成云云。猶記得牛華N年前的打麻雀賀年片講，越爛嘅牌就要越畀心機打；稍有國際視野嘅港人，都知道未來數年經濟環境如何，與其鴕鳥式自我安慰，倒不如樂觀勇敢面對。
阿仙奴近期嘅可用之兵同表現都幾爛，不過我對愛隊有信心，周六主場對韋斯咸，無疑對手近況佳，但我信兵工廠可以逆境自強，博「讓球主客和」嘅「主勝」啦。
讓球主客和：阿仙奴勝[-1]
心得：博阿仙奴反底
近5場往績：WWLDW
牽牛
列貝利、拿斯尼、哥古夫……個個都叫「新施丹」，不過施丹喺我心目中只得一個！