牛年第一個股市交易日雖然撞啱係恒指結算日，但總算順利開出紅盤，我亦都希望自己牛年首次喺〈開倉版〉同大家推介，可以響頭炮。雖然近期手風唔算差，但係唔知點解喺〈開倉〉嘅推介已錄得4連敗，如果連今次都贏唔到，就有5個L，都咪話唔肉酸。
所謂「唔熟唔食」，為咗打破呢個悶局，今期一於推介我自己最熟同最愛嘅隊──荷甲班霸阿積士，可以喺主場擊敗海倫芬。雖然海倫芬歇冬後好勁，但係作客始終難予人信心，無懼同掛緊頭牌嘅蘋果波神一樣，一於齊齊中阿積士。話時話，呢場波真係好有睇頭，淨係睇阿積士嘅蘇利馬尼同海倫芬嘅柏拉積呢對好友兼荷甲射手對決，已經值回票價啦！
主客和：阿積士勝
心得：望愛隊助我破悶局
近5場往績：LLLLW
吾中
買嘢講名牌，但賭波一定唔會做名牌奴隸嘅大聯盟女神。