新正頭想轉口味，今日取第二至愛嘅聯賽荷甲作菜單，全日重心捧前列大戰阿積士對海倫芬，開3.5球照捧入球「大」。
踏入2月，英國不少球隊進入地獄賽程，喺現今世界怨多嘢做嘅難有幾人，怨冇得撈就大把。英超兵人工高，辛苦啲合理，不過喺又濕又凍嘅場地，一周打兩至三場極具體力化嘅比賽，真係幾惡頂。
海倫芬後防極曳
而喺賭波角度，技術分野減少，只打場地適應同體力，好易出冷門賽果。尤其係足智彩一日幾十場比賽，選擇極多，未必要強求，所以今天決定貼士表只以雷丁過關嘅原因。
我一向理想地希望喺賽前選到一啲局勢明朗嘅比賽作推介，今天重心博阿積士贏波兼開入球「大」，這班比英超阿仙奴更年輕嘅球隊，作客如上仗敗走格羅寧根實在難免，但返回主場料有截然不同估計。
今迎海倫芬，雖則阿積士有中堅維頓漢要坐波監，不過呢個21歲𡃁仔只係介乎正選與後備之間，影響唔算太大；而其他主力好似係史基倫保、蘇利馬尼及同蘇亞雷斯咁，全部都可以披甲，所以有權贏番場。海倫芬呢班波攻力好強，淨係中場柏拉積一個就喺聯賽入咗13球，弊在佢哋防守超唔掂，19場聯賽居然失成38球，試問點可能唔捧阿積士呀？記住捧埋3.5球入球「大」。
拖威廉二世無「廸」
至於威廉二世主場對維廸斯，後者攻力係荷甲第二差，呢場作客威廉二世應該係捱打，而主隊射手廸莫治歇冬後兩場未入1球，但歇冬前喺聯賽入成13球，證明射術有番咁上下，就要威廉二世贏，捧佢哋贏3:1或者4:2。另外，今次我冇揀心水聯賽英冠作主菜，但雷丁作客昆士柏流浪平手咁筍，點都買番注過關。
近5場往績：WLLWW
蘋果波神
水準有目共睹，長跟必有着數。