黃宗澤（Bosco）昨日相約傳媒在尖沙嘴茶敍，他剛放完三天新年假，可惜放假就染病，喉痛聲沙，Bosco說：「年初一、二天氣都好凍，好易冷親，我已經盡量避開油炸食物，可能食咗煎蘿葡糕，太熱氣，媽咪已經煲凉茶畀我飲。」
想做三哥鄰居
日前Bosco去了苗僑偉（三哥）家中拜年，由於他透露過新年願望是想置業，所以三哥即時向他推介鄰座豪宅，Bosco說：「我見市道都好啱買樓，三哥住喺大埔三層一幢式私人屋苑，佢隔籬嗰間咁啱放售，就叫我買，但要成千萬，話就話有價講，如果三成首期都要三百萬，實在太貴，或者我會考慮買細單位放租當儲錢。」
此外，問到Bosco有否到緋聞女友胡杏兒家中拜年，他說：「我有打電話畀佢講新年快樂，但冇去佢屋企拜年。」
採訪、攝影：魯萍