做我哋呢行，農曆新年假莫講話眨眼就過，根本係冇放過。放工後撈電視汁，睇重播賀歲片不嬲係新年精神食糧，殊不知今年「1哥台」播嘅片不堪入目，眼火爆！
據講新年前特登連播兩集《珠光寶氣》，係由於有死人戲，刻意避過新年，抵讚；但到新年深宵播嘅電影就嚇死人，嗰套講猜枚嘅擺明侮辱智慧，之後再整套講整蠱人嘅戲，真係無改錯戲名，認真大整蠱。唔通電視台知大家拜年辛苦，想大家早啲搵周公？咁就用心良苦囉。大整蠱嘅仲有韋根，估唔到可以搞掂利物浦，但堅信可一不可再，如果今次對維拉不敗，我就學伍健寫個「服」字。
主客和：阿士東維拉勝
心得：韋根邊有咁多嘴？
近5場往績：LLWLW
藍鑽石
與簡拿華路同日出生嘅囡囡入學，今季大把時間睇波，尤其係意甲。