牛年咁就過咗5日，查實年年農曆新年都冇特別嘢搞，喺嗰幾日假期多數返工，碰啱唔使返，就會去朋友屋企打牌或者睇戲。講開睇戲，由於睇咗《赤壁》上集，於是喺年初一睇埋下集，我對《三國》嘅精采歷史冇乜感覺，亦對電影冇研究，所以唔評論吳大導演拍得好唔好，但感覺上好似一齣中文版《魔戒》咁，特技夠勁，場面夠晒壯觀，而且唔使點用腦都睇得明。
近排喺〈開倉〉連贏3個禮拜。周中推介利物浦作客贏韋根，點知喺完場前被對手入12碼隊爆。聽日佢哋主場對車路士，雖則連續4場贏唔到盤，走勢麻麻地，不過計人腳比車仔完整，而且今季喺英超Big4大戰中又有好成績（2贏1和），就博佢哋反底。
讓球：利物浦（上）
心得：博紅軍反底贏盤
近5場往績：WWWLD
青蛙仔
睇德國波同埋英國波大，大個之後攻埋日本波，兼且對日本藝能界幾有研究。