韓劇《花樣男子》越播越旺，帶挈扮演「道明寺」嘅男星李民浩火速上位。近日，李民浩被網友翻舊賬，公開佢高中時同女友合影嘅貼紙相。相中李民浩同女友又攬腰又錫面，真係恨死唔少女fans。另外，李民浩將會率領其餘F3金賢重、金俊同金範，喺4月16日總動員到日本東京舉行影迷聚會，為7月喺當地播出嘅《花》劇造勢。