呢排忙到抽筋，原來搬屋真係好多嘢煩，買床最頭痛，又要買衣櫃、買窗簾、轉寬頻新地址，搞到個人好攰。今朝一早仲要踢記協盃8強，希望唔會變軟腳蟹，隊友靠晒你哋喇！如果晉到級，4強有機會對到有前港甲巨星巴貝利壓陣嘅亞洲電視㗎！我雖然唔係佢粉絲，但我哋蘋果隊兼上屆神射手康爺就係囉！講到明要攞簽名喎！
啱啱過咗嘅大年初一，係我歷來覺得最冇新年氣氛嘅一年，可能個人真係大咗，完全唔同細路仔嗰陣咁盼望新年來臨。牛年開始展開新生活，見到同事一個二個就嚟生BB，我嘅父愛又出晒嚟㖭！哈，發完噏風，信我者要葉士域治。
主客和：葉士域治勝
心得：有件阿根廷好嘢首度上陣
近5場往績：LWLLL
畢傑
哥連泰斯將是朗拿度嘅最終站，但無論呢個死肥仔去到邊度，我永遠最愛係佢。