〈早飛王〉近期走勢同利物浦一樣，由鼠年尾黑到去牛年頭，當唔係屬牛嘅牽牛兄，周二連推介嘅些路廸都可以悶和登地聯，令畢傑執筆前都要揀得更謹慎。好彩周六英超有好路，就係維拉主場贏硬韋根。
先講吓韋根，佢哋早前先後賣走希斯基同柏拉西奧斯，尤其後者喺中路做串連工作好重要，家陣冇咗佢，短期內都唔使旨意中場得到平衡。周三主場迫和利物浦，都係靠美度嘅12碼，唔代表韋根冇咗希斯基同柏拉西奧斯影響唔大。
新兵希斯基交到貨
再講，維拉周二作客1:0擊敗樸茨茅夫，就係靠新兵希斯基一箭定江山，球波又係同艾邦拉荷組織後入嘅，證明就算希斯基啱啱先加盟，喺前線同其他隊友嘅默契冇乜大問題。唔好唔記得，英超呢排開快車，維拉周二對完老樸，有多一日休息時間；相反韋根周三先硬撼完利物浦，唞嘅時間較少，維拉點計都有着數。
贏埋樸茨茅夫，維拉近8場贏7場，傷兵亦唔多，都係拿臣及保馬續避戰。一諗起艾邦拉荷同占士米拿個個都年輕，試問韋根嚟到維拉公園點頂？仲有呀，韋根一對中場路爾斯華倫西亞及柏拉西奧斯簡直係隊波嘅靈魂，前者周六因傷肯定唔出得，後者又經已過檔熱刺，我信維拉可輕鬆贏波。單W係鐵膽，[-1]嘅2.62倍「主勝」直頭可以大注。
配腳方面，同樣搵場西甲鐵膽做過關，馬德里體育會好耐都未贏過，今周主場炒梗華拉度列。
早飛王貼士
星期六10阿士東維拉vs韋根
首選：阿士東維拉勝（1.55）
次選：阿士東維拉勝[-1]（2.62）
冷選：阿士東維拉勝4:1（26）
早飛倉
主菜：星期六10阿士東維拉勝（1.55）@2,200
渾水摸魚過關：星期六55祖雲達斯勝[-1]（1.95）x星期日20馬德里體育會勝[-1]（2.35）x星期日37里昂勝[-1]（2.32）3x4@200
今日早餐價錢：-$3,000
上日賺蝕：-$2,500
早飛倉結餘：$88,774
規則：$100,000本錢，每日買早報最多動用$5,000，最少$1,000，逢周二、五見報。
周末焦點
星期六9
阿仙奴vs韋斯咸
又是倫敦打吡，論近況韋斯咸絕不比主隊遜色，近7戰錄得6勝1和；阿仙奴近期有高路托尼與加拿斯鬧不和，前者上仗對愛華頓已失正選，未知兩中堅周六會否同時登場。
星期日25
桑坦德vs巴塞隆拿
桑坦德連續10場賽事不敗，他們首循環到訪魯營，更是少數能有分落袋離場的球隊。巴塞聯賽8連勝強勢領導群雄，而近4次作客桑坦德，要留意伊度奧其中3戰俱有入球。
星期日35
拉素vsAC米蘭
雙方近年對賽總鬥得精采，而近3季主、客交手AC得4勝4和不敗，中場碧咸更連續兩場有波入；拉素近仗防線差，惟有一定攻力，絕對是今周意甲最矚目的賽事。