一代歌后張露日前病逝，圈中人深感難過，特別是與張露相識數十載的前輩歌手潘廸華和靜婷。潘廸華昨日在電話慨嘆地說：「好難過，又一個老朋友走咗，朋友見一個少一個。我好喜歡佢嘅歌，佢唱歌喺以前嚟講好前衞，歌路亦好多元化，唔似得𠵱家啲歌手好似倒模咁公式化。」
「又少咗個老朋友」
靜婷則說：「我以前出道都係唱佢嘅歌，佢把聲好靚。仲以為今個新年可以同佢聚一聚，又少咗個老朋友，真係好唔開心。」
曾與杜德智拍拖的李樂詩，昨日獲悉張露去世後心情沉重，她說：「好sad，我都有安慰杜德智。Auntie對動物好有愛心，係非常好嘅女人，佢好錫我，成日煮飯畀我食，教曉我好多音樂上同做人嘅道理，佢教我要多啲試唱唔同嘅音樂。」
而跟杜德偉相熟的郭富城昨日說：「我雖然同張露姐未見過面，但識佢作品《給我一個吻》，同杜德偉喺華星時代好熟，但好多年都冇見過，不過都好關心佢，老人家百年歸老，生老病死係必然，唔好太難過。」
撰文：林妃