上兩屆的廸士尼大使都是女孩，披肩長髮配大眼，就像童話公主，今屆卻是26歲大男孩羅智豪，頭髮當然不披肩，也無水汪汪大眼：「每次影相，攝影記者都叫我擘大啲對眼，其實我已經擘大咗喇。」不過，表情多多花樣百出的智豪，只要站在小孩群，便像青蛙王子般180度大變身。
贏得小孩信任
這位「青蛙王子」大使可說是幼兒專家，他曾在夏威夷生活十多年、又曾在美國廸士尼實習，大學修讀戲劇畢業後更投身兒童劇團：「小朋友唔同大人，演出唔好睇會大喊，所以表演唔可以馬虎，好有挑戰。」他兩年多前回港獲廸士尼錄用，負責巡遊安全工作：「因為好鍾意對住小朋友。」
採訪當天任何國籍小朋友都纏着他，除「虎視眈眈」他手中貼紙，也被他富豐表情及肢體動作吸引，日本女遊客也忍不住搭訕，智豪以日語對談，「卡娃伊」得惹得日女嚷着要合照。他曾經在廸士尼接待病童，小朋友玩了一整天，離別時悄悄送他一個錢幣說：「我嘅願望實現咗，𠵱家畀個願望你。」人們與藝人相處總弄不清對方是真情還是演技，但感情直接的小朋友最心水清，小小錢幣代表着小孩的信任，難怪智豪一直珍而重之。 記者：翁煜雄