港股長假期間花旗股市連番造好，假後復市，恒指裂口高開近千點，不過高開咁多，好難搵人追貨，況且期指結算，淡友梗唔會放軟手腳，結果由高位回落，最後升575點，但係紅盤嚟講已經好唔錯。
花旗股市升咗幾日，累積嘅升幅唔算太大，睇技術走勢同前晚嘅成交，應該仲有力上，港股噚日現咗支陰燭，短線嘅支持係噚日嘅裂口，上面阻力就喺13900。
新世界C輪15288：新世界（017）昨收7.50元，升6.38巴仙，近全日高位，其他大地產股都喺高位回落唔少，佢最硬淨，短線可以上試8元，破位睇8.80元，可以諗吓隻C輪15288。隻輪昨收17.3仙，槓桿率4.3倍（有效2.5倍），正股升上8.80元，15288應該會升上25.5仙水平，如果正股跌穿7元，就沽咗隻輪止蝕。
俊樺