牛年港股紅盤高開，在金融股帶動之下，開市已勁升千點，美中不足的是大市高位見沽壓，收報13154，上升575點。
在長假期前提及，股場冇乜散戶敢買貨「責」年，估計今次年初四大挾升，能獲甜頭散戶應不多。有老友農曆新年前低位撈滙控（005），家陣賬面當然有錢賺，問我應否趁反彈先食糊？星俠都係嗰一句，人家炒滙控1年都未必有10%回報，你幾日就搞掂，試問仲等乜？
以20日線止蝕
統一企業（220）近日消息多多，最新公佈內地已作出裁決，指廣東中谷糖業須於15日內向集團賠償約1.1億元人民幣，作為已簽訂的兩份糖供應合同的賠償。此外，較早前，統一將所持北京統一麒麟飲料50%股權，售予麒麟中國，作價46.2萬美元。
統一踏入09年以來，走勢緩步向上，昨收2.31元，升3.5％，正蓄勢向上突破，短炒以20日線（2.15元）止蝕，目標2.70元至3元。
方星俠