韓國天后李孝利近日被網友炮轟，指佢喺今個月18號播出嘅SBS人氣綜藝節目《家族的誕生》入面被李天熙話佢煮餸失敗時爆粗，有關片段熱爆網上，「李孝利爆粗」字眼更成為網上搜尋率No.1，網友亦分成兩批展開罵戰。電視台代利妹伸寃，話節目播出街前劇組已經睇過好多次冇問題，出事後亦搵過專家鑑定，證實利妹只係講嘢太快令人聽錯。