日本男星妻夫木聰主演嘅NHK大河古裝劇《天地人》自播出以來收視高企，有份演出嘅青春女星長澤正美，喺啱啱過去星期日嘅第四集就錄得26%收視，不過正美喺劇中要臨時更改角色年齡。電視台解釋正美嘅角色係會同妻夫木聰所演嘅14歲男主角發生肉體關係，如果設定年齡比主角年輕，就難以說服觀眾，所以正美亦由原本設定飾演城田優「妹妹」變成「家姐」，但有觀眾就批評電視台製作唔夠細心。