中法混血名模AmandaS.早前到上環文武廟拜神，踏入牛年，肖羊的Amanda冲太歲，於是她購買兔形飾物催運，又買了護身符給肖龍的男友和為自己祈福。Amanda祈求成功轉行開蛋糕店，男友多賺錢買靚屋結婚。
踏入牛年，不少人都會入廟拜神祈福，肖羊的Amanda踏入牛年冲太歲，運程會比較反覆，所以她早前去了上環文武廟拜神，希望新一年事事順境。
Amanda說：「我媽咪係台灣人，所以比較迷信，我上年都有去黃大仙拜神，今年就去文武廟拜神，通常都係保佑平安、開心。」
買護身符贈男友
Amanda在廟內的商店買了護身符給男友，十分細心，希望新一年事業順利，身體健康。
明年將踏入30歲的Amanda開始計劃將來的路，她說：「我做咗8年model，開始覺得想轉變，我上年去咗法國進修學整蛋糕，希望將來可以轉行開自己嘅cakeshop。」
談到結婚計劃，Amanda不諱言開始考慮生BB，她說：「我同男友Christian都好喜歡小朋友，不過I'mnotcheap，我鍾意去好嘅餐廳、去好嘅地方，住靚屋，所以男友要儲多啲錢至得。」
「好彩冇亂投資」
去年爆發的金融海嘯令百業蕭條，人人叫苦，面對海嘯工作量仍然平穩的Amanda自覺十分幸運，她說：「我都覺得自己好lucky，雖然event減少咗，不過仍然有接job。
「Iamnotclever，但係最好彩嘅係自己冇亂咁投資，我個人比較踏實，最使錢嘅地方只係買衫，我投資方面好保守，只會買金同買樓，買樓收租最穩陣，之前啲朋友個個叫我投資買股票，不過我從來唔聽，所以金融海嘯我冇損手。」
採訪：JessicaNgan
攝影：RickyIp
服裝：Renee_K（中環歌賦街）
