甄子丹日前接受商台節目《嘩!嘩!嘩!打到嚟》節目錄音訪問，他在節目內被主持人吳君如取笑他一提起老婆汪詩詩即甜蜜得滿臉通紅，他還大爆和老婆的相識經過，並自認專一好男人，他說：「睇我record都知，我唔係好合群，不過婚姻令我開朗好多，啲人以前成日話我cool，好難接近，有咗家庭，喺生活上體驗更多，以前對武術追求好儍，執着得好離譜，但𠵱家有仔女就要放低武術嘢。」他又自爆比老婆更貪靚，更經常會製造浪漫維繫夫妻關係。
習武周身傷
習武數十年的甄子丹坦言因為練武而搞到周身骨痛，單是眼眉已傷過4次，更次次爆缸入院縫針，他說：「我已經斷晒眉，拍《葉問》時同樊少皇對打差一吋就到眼球，咁就會變盲，而我啲骨骼都亂晒，根本瞓唔到覺，右手好多時痛到甩骱要靠左手托住。」
撰文：林妃