華華噚日睇到彭博消息，話17個月前由摩根大通過檔摩根士丹利嘅首席全球兼美國證券策略員AbhijitChakrabortti辭咗職，大摩發言人CarissaRamirez已證實，但就冇交代原因，亦唔見Chakrabortti蒲頭。
華爾街人話會好掛住Chakrabortti出嘅報告，皆因喺預測標普500指數08全年收市時，佢嘅預測只係相差622點──係策略師中估得最接近嘅一個。
Chakrabortti絕對係大淡友，可以話係趁住「淡」勢力抬頭。佢一直被彭博視為預測最悲觀嘅策略師，07年佢預測標普會升1.5%，結果升咗3.5%，其實睇得淡唔緊要，最緊要係睇得準啫！由於佢過往嘅預測準確，唔少人封佢做華爾街頂級分析師。
Chakrabortti早前估計，09年底標普指數可以去到975點，較1月27日收市高15%；而975點嘅預測，係10個策略員中，預測第二低。咁唔知佢又估唔估到金融海嘯幾時完呢？