鼠去牛來，踏入新一年，恭祝大家可以轉個靚運，炒股炒輪一樣得心應手。
呢幾日港股假期，外圍就繼續搏殺，花旗股市造得唔錯，如果個勢Keep得住，今日港股紅盤應該有睇頭，好友會趁住期指結算掃得大力啲，至於個市跟住會點走，就要留意晏晝之後嘅市況，尤其係下月份期指，因為上晝淡友都會力壓指數去影響個平均結算價。
中鐵建C輪15737：中鐵建（1186）假前報收9.79元，升2.4巴仙，之前連續4支陰燭，跌咗唔少，上日終於大成交喺低位反彈，短線有機會搶上10.50至11.30元，可以諗吓隻C輪15737。隻輪現價25.5仙，槓桿率3.8倍（有效2.5倍），正股升上11.30元，15737應該會升上36仙水平，如正股回試9元失守，就沽咗隻輪。
俊樺