【本報訊】唐狗黑妹被困祠堂罅隙牽動港人愛心，有數十名市民不辭勞苦，自發到西貢孟公屋參與拯救行動，為黑妹送糧遞水，部份更身體力行企圖施以救援。本報昨日也收到近700名讀者的電郵、傳真或網上留言，有人提供拯救方法，有人為黑妹打氣，有人更表示希望領養黑妹。最後黑妹身亡，有市民覺得心痛。
蜂擁入村出謀獻策
大批愛護動物人士知道黑妹被困消息後，大年初二不去拜年，反而蜂擁趕到孟公屋，希望出謀獻策，為救出黑妹盡一分力。市民梁小姐在現場眼見黑妹受苦，消防員又束手無策，一度建議：「不如挖地道或者拆磚！」此言一出，村民反應強烈，有村民甚至向她爆粗問候。梁小姐無奈慨嘆：「年初二俾人用粗口鬧好難受，諗住講出嚟研究吓，點知村民咁大反應。」
至於未有到場的市民，則透過電郵、傳真或網上留言，提供各式各樣的拯救方法，希望透過本報傳遞給現場的拯救人員。
網民Larc建議：「可唔可以幫佢打麻醉針？等佢啲肌肉放鬆晒，再用繩從後拉出嚟。」也有網民批評村民拒絕在祠堂拆牆救狗是迷信，「新年死狗一樣不吉利，救狗一命，祖先也會保佑好生之德！」
讚揚消防態度開放
除了熱心市民外，大批消防員昨日由早到晚想方設法拯救黑妹，並讓市民參與行動，雙方互相配合，最後成功救出黑妹，有愛狗人士對消防的開放態度表示讚揚。
不過，昨晚黑妹被救出，卻難逃死神呼召。有網民表示個心好痛，又有人指明明已救出，怎會離奇死亡，感覺不能理解。網民stalker認為可惜，「始終都過唔到，都捱咗咁多日啦，點解唔捱埋去。」