煲碟過年：高清Blu-ray×PartyGame<br>笑笑口過赤口

煲碟過年：高清Blu-ray×PartyGame
笑笑口過赤口

今日初三赤口，拜年活動可以唞唞！須知今日係農曆年假最後一日，都係留番啲私人空間畀自己好；唔想出街同人逼?最好當然係煲高清BD啦！否則開着部電視，一定俾堆翻炒嘅《家有囍事》疲勞轟炸到你癲。如果想約班老友玩埋佢嘅，最低消費當然係PartyGame，今年音樂遊戲當道，結他、卡拉OK體感遊戲，包你生龍活虎過牛年。

記者：許福合
攝影：陳陶鈞
Model：Cherry、Wing、Sam@PureModel

功夫熊貓爆笑成家睇
爆笑度★★★★★

若然咬文嚼字去睇，功夫同熊貓完全扯唔上關係，但兩者組合起上來就成為08年最爆笑動畫。故事主要講懶到死阿寶，亦即係《功夫熊貓》主角，雖然佢係一名熊貓，不過佢都同好多炎黃子孫一樣熱愛中國功夫，一次機會又好令人意外咁成為一名唔識功夫嘅武林高手，仲被人叫做龍戰士！被人捧到上天，仲請去對付大魔頭大豹，遇上呢個大考驗，好彩仲有個施福大師可以求救，於是乎阿寶開始一段驚天動地的鍛煉，誓要成為真正功夫大師。

■呢位就係主角，功夫熊貓。

$220

■想學功夫呀？求我啦。

■身形咁壯，點做武林高手？

■學好武功先可以去打大豹。

魔法奇緣小朋友童話
爆笑度★★★☆☆

《魔法奇緣》用上真人實景，配合電腦動畫製作，成為此片賣點之一。故事講到本來身處童話嘅芝莎公主因被巫婆推落深淵，竟通過神秘通道，去到現實世界，仲要去到繁華嘅紐約。人生路不熟，公主幸運地遇上羅拔同他女兒，總算有個家可以落腳。王子救公主，係咪必然呢？公主每天等王子到來，但同時巫婆不死心派人來追殺，而童話世界艾華王子在危急關頭救出公主，最後究竟係公主配王子，還是另有其人呢？

$220

■用動畫配合實景，效果相當真實。

■巫婆呢次造型相當激吓喎！

媽媽咪呀冧歌情人必睇
爆笑度★★★☆☆

希臘一位待嫁新娘蘇菲，正在滿心歡喜安排婚禮，但無意中發現一手養大自己的媽媽，還有一個心願未了！就是看着蘇菲親生爸爸挽着她走完紅地毯。於是蘇菲偷睇媽媽日記，發現媽媽有3個舊情人，她向呢3位疑似親生爸爸發出請柬，邀請他們參加婚禮。果然三名男士都自以為是，以為自己係蘇菲親生爸爸出席，於是一個離奇、趣怪的婚禮由此展開。基本成套片由頭笑到尾，加上音樂歌曲，讓人笑住感動！

$220

■呢隊娘子軍氣勢非凡！

■見到女兒出嫁，母親心願可謂已了。

特務S嘜爆笑成人喜劇
爆笑度★★★★☆

作為美國情報部門特派間諜，阿嘜接受咗一個極為危險嘅任務，就係要去對付犯罪組織Kaos，亦即係「亂搞黨」！由於情報部門受到攻擊，大部份正牌特務身份曝光，局長惟有將原本只係分析員嘅阿嘜升為特派間諜，並且派佢同唯一未見光嘅靚女特務99拍檔對付Kaos。阿嘜一無身手，二無經驗，訓練更加無時間，而手上只係得幾件間諜道具，真係令觀者都替佢擔心！

$239

■任務雖然危險，不過有個靚女拍檔，都叫作好事！

■作為拍檔，佢哋都花咗唔少時間互相了解。

笑片掃場

賤郎300$220

森林反恐隊$230

奇妙仙子$220

大象亞鈍救細界$220

凸務咔啦蘇$230

雷霆喪星$255

查詢：DVDPro（23326326）

GuitarHero：WorldTour4×4結他鬥Rock
好玩度★★★★☆

PS3版嘅《GuitarHero：WorldTour》，集合咗好多合唱團首本名曲，唱到悶時候，仲可以連線上網下載新歌。今集特別適合開Party時玩，事關新增樂團戰鬥模式，最多可以讓玩家以4對4形式比賽，睇吓邊個結他技術最高，Rock得最勁！

■故事模式中，玩家參加比賽購買衣飾道具。

■新增戰鬥模式可讓最多8人比拼。

■遊戲包埋個專用結他手掣，玩過都讚佢手感夠真。

主機：PS3‧
售價：$699

超級大明星眼仔拍賀年MV
好玩度★★★★☆

想做明星都唔一定係發夢，XB360《超級大明星》透過使用XboxLiveVision攝影機，將玩家嘅一舉一動拍攝進遊戲之內，當玩家完成一系列迷你遊戲之後，就會將畫面剪輯成趣怪過癮影片，而且會配埋音樂，就好似睇緊MTV一樣！遊戲中最多可以同時4人「演出」，即場比拼演技，完咗之後遊戲更會幫你評分，誰最好戲一睇就知。