【本報訊】「為咗一隻狗使唔使咁大陣仗呀？」大批消防員及市民昨在西貢孟公屋祠堂拯救唐狗黑妹，但不少村民更關心行動會否破壞祠堂風水，雙方一度對罵。即使鄉議局主席劉皇發一度出面游說拆牆救狗，村民一樣不賣賬。有學者指，事件反映現代觀念與傳統價值的文化衝突，各有理由，彼此應該互相尊重。
拒聽劉皇發勸告
為免影響孟公屋村民的祭祀活動，消防員昨日的拯救行動，主要集中在成氏及俞氏宗祠堂後面，但仍有村民感不滿，「千祈唔好整到間祠堂」。有人要求消防員小心，也有人反問：「隻狗緊要，定我哋成村人條命緊要先，唔使搞咁多嘢？」其間，有村民企圖阻止消防工作。
由於村民一直反對拆牆救狗，擔心破壞風水，有人向人稱「新界王」的鄉議局主席劉皇發求教，發叔說：「如果只係鑿個窿，唔會破壞風水。」他其後要求鄉議局秘書聯絡該村村代表，希望村民考慮容許消防鑿壁救狗。不過，村代表之一成漢強直言無能為力，「發叔係搵過我，我都好大壓力，但我只係後輩，啲長輩話唔拆得，我都冇辦法；佢哋老人家唔會明白一隻狗有乜咁大不了。」成家後人之一的「大儍」成奎安也強調祠堂動不得：「間祠堂唔拆得嘅，消防可以試吓用繩，喺上面同下面拉佢出嚟。」
學者呼籲互尊重
理工大學應用社會科學系副教授何國良認為，事件反映城市人與鄉民之間存在文化差異，雙方應該互相尊重，「市民尊重生命係好事，但鄉村嘅傳統文化亦需要尊重，監生迫人接受你嗰套只會製造衝突。」何國良認為，祠堂文化源遠流長，加上動物在農業社會只被視為一種工具，村民不可能突然「轉性」，市民「唔好單純用城市人嘅角度去睇問題」。