是日赤口，據傳統習俗所講，今日特別易同人發生爭執。為免初則口角、繼而動武、明日上A1，今日都係乖乖地留喺屋企hea吓為妙，唔好搵交嗌。嫌悶，小記誠意為讀者創作一份全港獨家「蘋步青雲」棋，安坐家中都可以行個大運，祝大家同棋盤嘅衝線點一樣，人人發大達。
記者：王震遠
攝影：陳陶鈞
玩法
闔家二至四人，先準備打麻將用的骰子，以及每人揀選一件小物件，代表自己作棋子。再輪流擲出骰子，按點數向前進發。如數字有圈的格子上有指示，必須按照說明前進、後退或停擲一次。到達終點時，必須擲到合適的點數方為勝出，否則須按多餘點數後退，誰人先到達終點「100」就算勝出。
蘋步青雲發大達!
3 出門遇貴人
個貴人仲要係財神!財神竟然自己送上門，財運咁亨通抵你前進三格。
10 睇皮影戲表演
太古城有goodshow，由大師表演中國傳統皮影及木偶戲，一幕幕著名場口如《瑤山小獼猴》、《龜與鶴》都有得睇，有好節目邊捨得走，停擲一次慢慢睇啦！時間：下午4點太古城中心（25688665）
21 派利是
一班小朋友突然殺出拜年，帶唔夠利是喺身，大失預算又要返屋企補倉，請退至18。
34 中三T
赤口三千萬3T都俾你買中，無端端發咗達你玩晒啦，直飛到100做有錢人啦。
43 同老夫子拜年
入到青衣城突然閃出老夫子同大番薯，老朋友同你拜年份外開心，又有精品展覽同五呎高嘅老夫子雕塑睇，節目咁精采，唔好走住啦，停擲一次影吓相先。時間：下午2、3、4及5點（每節30分鐘）青衣城（21867284）
46 姊妹債券
有份入股嘅姊妹債券宣佈破產，錢財身外物喊都無謂，返回25等機會東山再起啦。
49 大四喜
同親戚朋友攻四方城，自摸一隻東都俾你食得出，運勢好到無人有，獎你直去55。
61 六合彩
頭獎累積幾千萬無人中，個個都想刀仔鋸大樹，點知俾你中頭獎，直飛100做富豪啦。
65 塞車
新年流流，交通工具班次特別疏落，仲遇到大塞車，累班親友等餐懵，倒退去56。
70 蒲店識靚女
同朋友到蘭桂坊玩樂，識到兩個靚女!桃花運咁旺真係行得快啲，獎前進3格。
75 有喜!
喜事一浪接一浪，就快為人父母，俾你向前行兩格。
76 開工大利是
孤寒老闆突然轉性，大派$1,500開工利是，轉運啦，直去85啦。
78 恒指牛市
恒指重上30000點，一手蟹貨終於上岸，仲賺到盤滿缽滿，一於獎你去82。
90 洗大咗
新年𢭃咁多利是，見到名店大減價，越掃越失控，退後到73冷靜吓先。
93
經濟轉好百業興旺，公司又賺大錢，老闆發放獎金都份外重手，牛年大勇，前行5格。
