名模周汶錡（Kathy）日前夥拍周中師傅，在澳門的米芝蓮星級中菜廳合力炮製應節的和牛新年菜式，一身紅噹噹的Kathy入到廚房，周中即笑她是惹火廚神，又講爛gag逗她狂笑。Kathy遂改他的英文名叫GagChow，中文名叫周吉。Kathy透露會留港度歲，順便還神，周中則笑言要Kathy的法蘭西男友學中國習俗和文化。
名模周汶錡近年嘗試擔任飲食節目主持，又出旅遊書，躋身「飲食達人」之餘，更與不少飲食界猛人結緣，與周中師傅更以「大佬細妹」相稱。
Kathy日前到周中師傅於澳門美高梅金殿任顧問的米芝蓮星級中菜廳金殿堂，「雙周」合力炮製賀年菜式。身穿VivienneTam鮮紅連身裙的Kathy入到廚房，即被周中笑她惹火，他說：「你想火燒廚房呀。」記者問Kathy有否向周中拜師學藝，周師傅即笑言：「大吉利是，拜我。」
白灼蝦免炒好意頭
問周師傅新年應該煮甚麼賀年菜，他即說：「白灼蝦啦，大家嘻哈大笑，免炒又好意頭，打工仔最想嘅新年願望。」在旁的Kathy對周師傅連番爛gag招架不住，遂幫他改新花名：「不如你叫GagChow，中文名叫周吉，又配合又有新年意頭。」
Kathy透露新年會留港休息，本身是上海人的她謂會跟隨不少中國傳統習俗，她說：「我會到圓玄學院還神，喺屋企煎年糕，去拜年。」記者問她會否穿紅底應節，Kathy笑說：「今年我想要紙底，係銀紙嘅底，即係搵多啲錢。」
教法籍男友𢭃利是
記者問Kathy會否教法籍男友Julien中國文化，在旁的周中師傅說：「梗係要，唔係嫁過嚟做乜，我哋大中華，法蘭西人有排跟我哋學嘢，你要教佢學多啲中文。」在旁的Kathy對於「大佬」的訓話再度無法招架，只有面紅儍笑說：「唔使識咁多，淨係識𢭃利是就得。」
採訪：RitaLeung
攝影：ChanShunChing
服裝：VivienneTam（周汶錡），Shiatzy（周中）
場地：MGMGrand（澳門美高梅金殿）
澳門擦餐勁
Kathy透露今年留港度歲，之後與朋友到澳門大吃一番，日前她到MGMGrand（美高梅金殿）為賀年節目探路，先到「大佬」出任顧問的米芝蓮星級中菜廳金殿堂，品嚐總廚黃永昌設計的賀年菜，當中包括金銀堆滿屋（蒜香安格斯牛柳粒）、吉星拱照（蘭度鮮菌炒斑球）、鴻圖大展翅（響螺雞燉金山脊翅）等，之後周中更代MGM送上「大吉」錦囊給Kathy。被封GagChow的周師傅笑言：「我係周大吉，我親戚做首飾生意。」之後「雙周」到充滿中國新年佈置的MGM天幕廣場，觀看具傳統色彩的投射表演。
