古巨基、傅穎（Theresa）、小肥和關智斌等前晚在黃大仙出席新年倒數，派禮物給現場觀眾。基仔早前沒出席港台頒獎禮後的慶功宴，被踢爆與緋聞女助手Lorraine慶祝生日，他說：「我係波士，party係我安排，我送咗一份好實用嘅禮物，買嘅人知同收嘅人知得啦。」是否每年都會慶祝？基仔說：「正所謂年年有今日。」派對上可有甚麼承諾？他說：「公佈佢大咗一歲，承諾加人工。」
有報道指鄧麗欣（Stephy）獲緋聞男友方力申資助入住貝沙灣豪宅，Theresa可想也叫方力申資助？她語帶雙關說：「佢唔係個個都資助，等我叫公司幫我接多啲job，快啲賺錢搵個地方住得舒服啲。」可有到訪Stephy新居？Theresa說：「佢冇邀請我。」
周麗淇行運
此外，前晚周麗淇與徐浩等出席在觀塘apm舉行的「駕勢潮牛賀新歲」，周麗淇在席間代表大會大派朱古力金幣利是，她之前在《勁歌》中抽中小牛金，她自覺今年會行運。
採訪、攝影：丁寧、林惠卿