漁農自然護理署過去兩年大約接獲170宗關於流浪牛的投訴，過百隻牛被捕牛隊人員移走，結果大多是捉入屠房，等候屠宰。救牛勇士洋洋多年前開始不斷從上水屠房救走被捉的牛，收養到她位於元朗的流浪牛之家。攝影師謝至德跟隨了洋洋一年多，為這個患難家庭攝製影集，出售籌款，支援洋洋和她的養仔養女。
按摩師免費替牛按摩
《開心牛》影集是為了籌錢捐助流浪牛之家，那裏現時有80、90頭牛，以黃牛為主。雖然牠們都在屠刀邊緣被洋洋打救過來，但日子還未安寧。謝至德說：「試過有人嚟偷牛，一隻牛仔掙扎嘅時候受傷，洋洋想醫佢，隻牛仔又因為受驚而抗拒，搞咗好耐先醫得到。」
又曾經有村民刻意讓自家農田的籬笆打開，誘使牛隻入內吃農作物，然後向洋洋喊打喊殺討賠償。不過，好心人還是有的。一位按摩師時常到流浪牛之家做義工，又替有腳患的牛按摩。
「平時行山，見到啲流浪牛，佢哋會走，但係洋洋嘅牛全部都唔驚人，仲會畀你摸。」謝至德被洋洋的牛感動了，一度戒吃牛肉。最近完成了《開心牛》影集，又再決定素食，說是為了一位體弱多病的好朋友積德。《開心牛》就是元朗大棠流浪牛之家的牛群影集，「其實成件事好唔開心，啲牛每日都要擔驚受怕，但係如果本書叫《傷心牛》，只會令件事越嚟越悲，成就唔到乜事。」
本報記者