聽日大年初一喇！畢傑仍然係未婚人士，仲未需要派利是，既然聽日拜年可以名正言順攤大手板攞利是，又怕乜拎幾隻「青蟹」出嚟買條冷門過關。
馬拉加同我好有緣，上期推介[-1]嘅「主勝」有成3.9倍都命中，不過今周對住馬體會，唔掂佢哋喇。繼續西甲搵冷嘢，揀希杭作客基達菲不敗，和波3.45倍抵買。
睇番基達菲今季真係面目全非，原來已經連續12仗要失波，4連敗兼失10球，點讓希杭？基達菲今周仲有兩名主力阿祖安干沙利斯及拉法盧比斯齊齊停賽，希杭點計都輸唔到，3.45倍D同5.3倍「和/和」都可以昅實。
過關腳就揀華拉度列主場贏愛斯賓奴，小勝一粒開3.65倍[-1]「和」fit晒！華拉度列聯賽4連敗，總有一定反底機會，查維亞巴拉查、阿拔圖馬高斯分別傷、停復出，幫助好大。客軍愛斯賓奴新帥普捷天奴得果36歲，完全冇西甲教波經驗；早前領軍首戰西盃硬撼巴塞隆拿，雖然差啲可以贏埋，但畢竟對手派副選之餘，打吡戰球員零舍落力有關，假象嚟㗎！博愛斯賓奴龜縮死守，僅輸一粒啱晒。
最後蘇超聯，基爾馬諾克今季主場輸過畀聖美倫，近排佢哋咁頹，要3連勝嘅咸美頓3.85倍客W，甚至6.5倍「客/客」。文：畢傑