英國過氣歌手佐治童子（BoyGeorge）因非法禁錮男妓，上周罪成被即時判監15個月，不過英國《太陽報》話佢可能4月就可以放監，之後或會佩戴監察裝置在家中軟禁。事實上日前佐治已被移送到位於薩福克郡環境較舒適嘅低設防監獄，爆料者指佐治受到優待主要因為佢係明星，而且又係同性戀者，容易受到其他囚犯針對。不過英國警方話冇優待佐治，只係按正常程序辦事。