受到金融海嘯冲擊，歌手宣傳大多要緊縮開支，甚至減少宣傳費，何韻詩卻反其道而行，舉辦免費音樂會，將於下月8日下午3時在拔萃男書院的運動場草地舉行一場「快樂是免費的」音樂會，歌迷可於當日下午2時直接入場，毋須持票。阿詩昨日在電話中說：「個場最多可以容納七、八千人，我希望入到幾多得幾多。」
父幫手借場
阿詩謂時勢不好，負能量太多，其新碟以關懷社會為主題，舉辦這個音樂會是希望傳達快樂不需金錢也能獲得的訊息，阿詩說：「我覺得攞啲錢去賣廣告，不如做呢件事仲有意義，其實幾有錢都可以好唔快樂，幾窮都可以活得好快樂嘛。」
阿詩這個音樂會的成本大約數十萬元，場地免費，她說：「以前我爸爸喺度教書，我細個成日嚟呢度流連，今次都係我爸爸幫手問學校借地方，啲工作人員同音響都係友情價，冇dancer冇花巧，我哋要以最平最簡單嘅方法，去製造快樂。」
採訪：蔡如玉