下個月做老竇嘅韓國男星權相佑，婚後首部電影《比悲傷更悲傷的故事》定咗3月14日喺韓國公映，部戲最新嘅宣傳攻勢係會開創韓國先河，推出電影紀念郵票。郵票上會印有權權同女主角李寶英同埋另一男角李范秀嘅靚樣，片商仲話考慮安排喺東南亞地區發售。另外，積極搵奶粉錢嘅權權前日仍為呢部戲開工，佢仲同兵哥fans影相留念㖭！