「紙皮」已榮升富貴新抱，又陀住金叵羅，自然更加身嬌肉貴。早輪關仁喺「四方」戲院見到紙皮同佢老公「牛田」拍拖睇戲，仲有三個保鑣護駕，紙皮唔怕嚇親肚入面個BB，居然揀咗睇套拳來腳往嘅《花塔》。
包成行飛
富豪買飛睇戲，梗係唔同普通小市民啦，紙皮同老公連埋幾位朋友包起晒成行飛，入場後派咗一個保鑣坐喺外圍，保私隱之餘，又可免俾隔籬位出入撞親紙皮個肚，一舉兩得。不過，關仁明明記得有三個保鑣？原來另外兩個負責企戲院出入口，昅實有冇閒雜人等。關仁心諗好彩佢哋揀睇《花塔》，如果睇《小梅花》，保鑣真係要食足兩個半鐘西北風。
不過講經典畫位法，當然係富豪「大牛」啦，佢鍾意十字形買位法，費事俾前後左右偷聽。
Textby關仁
