雖然《拉闊足球場》停播已一陣子，但個別經常出鏡嘅讀者仍然同筆者有聯絡，其中一位問我作為AC躉，點睇卡卡事件。我喺本報確實無表過態，一來其他同事已經寫唔少，二來如果抽離我寫波佬呢個角色，單純以長期AC躉去睇，根本無必要。
由以往尹巴士頓因傷收山、「軍刀」因財失義離隊，更傷心嘅都經歷過。假如卡卡出走我係會唔開心，但始終係大換血嘅契機；家陣佢留隊一樣開心。至於班主、卡卡老竇係咪人渣，關我鬼事？我一樣義無反顧撐隊波，生死相隨。
鍾意一隊波會企硬，貼波立場亦然。上次貼輸紅軍，今再追；卡希爾，有無咁多怪頭先？
主客和：利物浦勝
心得：新年當然捧「紅」軍
近5場往績：LWLWW
藍鑽石
與簡拿華路同日出生嘅囡囡入學，今季大把時間睇波，尤其係意甲。